Komuna e Gjilanit njofton me qëllim të mbështetjes për nënat lehona, është vendosur që të subvencionoj me nga 100 euro për lindjen e parë, 200 euro për lindjen e dytë, 300 euro për lindjen e tretë, 400 për lindjen e katërt, 500 euro për lindjen e pestë dhe me nga 100 euro shtesë për lindje tjera.

Komuna e Gjilanit u bënë thirrje për aplikim, për mbështetje financiare nënave lehona, banore të kësaj komune, për të gjithë fëmijët e lindur nga data 01.01.2024 deri me 31.12.2024, përcjell Arbresh.info.

“Duke u bazuar në vendimin e Kuvendit të Komunës së Gjilanit me numër 01/016-27869 të datës 14.03.2024, Komuna e Gjilanit bie këtë: THIRRJE PUBLIKE Për aplikim për mbështetje financiare për nënat lehona banore të Komunës së Gjilanit, për të gjithë fëmijët e lindur nga data: 01.01.2024 e deri më datë: 31.12.2024”, thuhet në vendimin e Komunës së Gjilanit.

Kriteret e kualifikimit:

Nëna duhet të jetë banore e përhershme e Komunës së Gjilanit

Fëmija duhet të jetë i lindur nga data 01.01.2024 e deri në ditën e aplikimit

Fëmija duhet të jetë i lindur brenda territorit të Kosovës (në spital publik apo privat, në Gjilan apo qytet tjetër, por jo jashtë shtetit).

Dokumentacioni i nevojshëm për aplikim:

Kopje të letërnjoftimit (për të dy prindërit);

Ekstrakti i lindjes së fëmijës;

Çertifikata e bashkësisë familjare,

Prindërit e kurorëzuar duhet të dorëzojnë certifikatën e kurorëzimit, ndërkaq ata që nuk janë të kurorëzuar duhet të sjellin ekstraktet e tyre të lindjes:

Certifikata e vendbanimit:

Konfirmimin e xhirollogarisë bankare aktive të aplikuesit/paraqitësit të kërkesës në njërën prej bankave të licencuara nga Banka Qendrore e Kosovës (njëri nga prindërit).